La cultura asturiana tien una mitoloxia propia y bien baruyosa pa celebrar la navidá, con personaxes rellacionaos cola naturaleza, les estaciones y los rituales paganos. Ye’l casu de L’Anguleru, una suerte de Pá Noel asturianu afatiáu con traxe de pescador y unes botes d’agua. Tamién vamos a falar de Lolina, la Rulera que s’encarga de que los neños y neñes esfruten de la navidá.

Nesti espectáculu de narración oral vamos a falar de cómo l´Anguleru priende´l fueu máxicu de San Xuan que los convierte en seres máxicos a él y a los LLendadores del fueu Sagráu conservándolu hasta la Navidá. A la fin del espectáculu vamos construyir ente toes y toos un ramu de Nadal típicu asturianu.