Depués de perder los brazos nun accidente na so infancia, Regina negóse a aceptar el papel de víctima que la sociedá-y tenía reserváu. Con un enfotu únicu, aprendió a vivir colos pies: pintaba, escribía, tocaba instrumentos, conducía… inclusive disparaba una escopeta. Percorrió escenarios de tol mundu, dando exemplu de superación, talentu y dignidá. Ensin brazos, desafió les regles. Ensin emburriar, fixo tremecer lo establecío, porque hai muyeres qu’ensin tocar el mundu muévenlu enteru.

L’azar quixo que, con malpenes trés díes de diferencia, naciera otra Regina en Galicia. Dos muyeres, dos Regines, dos trayectories que’l tiempu y la memoria acabaron cruciando dramáticamente. La una, espeyu posible de la otra. L’asturiana y la gallega.

Lo que foi… y lo que podía ser.