A lo llargo de la historia del arte, la mazana foi representada una y otra vegada, cargada de significaos qu’oscilen ente lo divino, lo moral y lo cotidiano. Esta charra propón un percorríu visual pola presencia d’esta fruta nel arte y nel imaxinariu cultural, dende los mitos de l’antigüedá hasta la so tresformación nun elementu central de la cultura sidrera asturiana, onde la mazana dexa de ser namás símbolu pa convertise en paisaxe, trabayu y tradición compartida. Na parte final del percorríu detendrémonos na obra de dos figures fundamentales de la pintura asturiana, Evaristo Valle y Nicanor Piñole.