La guapura del instante, la fraxilidá del tiempu. Un viaxe onde la danza, les artes marciales y el teatru físicu entetéxense pa esplorar la fraxilidá y la fuercia del ser. Al traviés de trés pieces —*ON*, *espaciu* y *Kuzushi*— los cuerpos llévennos a un viaxe sensorial, onde la vulnerabilidá, la cayida y la rexeneración fáense fuercia, nuna danza movida por hestories de resistencia y tresformación.

Un homenaxe a la impermanencia del ser, onde cada movimientu ye una reflexón sobre la vida, el cuerpu, el tiempu y l’espaciu.