¿Envolvióte dalguna vegada’l misteriu de los cuentos? ¿Dalguna vegada sentisti abrise esi estragal onde realidá y maxinación xúnense nuna sinfonía estraña y perfecta?

N’Úrali vas disfrutar del ritmu y de la rima, vas descubrir secretos que bien pocos conocen, vas viaxar a l’aventura per viesques y castiellos onde vas atopar poderes que nun sabíes que teníes. Vas baillar, vas rir, vas suañar y vas emocionar col grandor de les almes de los animales. Úrali ye una puerta a otru mundu nel qu’espierten el plasmu, l’allegría y la esperanza p’acompañar a les neñes y neños a ser más llibres, a descubrir la guapura y a vivir con enfotu. Un espectáculu vivu nel que la maxa de los cuentos y la palabra narrada abraza a pequenos y grandes.