Por cuenta de los 140 años de la publicación de La Rexenta, el Ministeriu de Cultura encárga-y a Kamante Teatro la preparación d’una llectura dramatizada na Biblioteca d’Asturies. Les allabancies recibíes y l’interés xeneráu animen a la compañía a desarrollar el trabayu y da-y un formatu más escénicu.

La propuesta desenvuélvese con un formatu mistu, ente teatru d’oxetos, dramatización y interpretación, como espectáculu con un formatu flexible. El proyectu busca esparder l’heriedu d’una de les noveles más significatives del sieglu XIX, animando la so conocencia. Amás d’enfrentar el naturalismu del testu y el so calter episódicu col simbolismu del teatru d’oxetos y les figures estilístiques, emplégase una narrativa d’elementos visuales inspirada nel testu de Leopoldo Alas Clarín.