Querida Margot presenta Deuce, el so segundu discu d´estudiu, un pasu alantre que consolida´l soníu y la personalidá d´una banda en plena evolución creativa. Con un rock potente, elegante y con barafuste, el grupu reafita la so identidá al traviés de cantares que combinen fuerza, melodía y una honestidá llírica pocu habitual.

Formaos nel 2022, Nachu Fonte (voz y guitarra), Yago García (guitarra), Mike Rodríguez (baxu), Carlos Fuente (batería) y Guille Domínguez (pianu) construyeron la so trayectoria sobre la enerxía de los escenarios. Más d´un centenar de conciertos dempués, Querida Margot ganóse al públicu con una puesta n´escena curiada y un directu vibrante que convierte cada actuación nuna esperiencia de rock´n´roll auténticu.