Basándonos nel espectáculu El viaxe de Covaletti, Carlos Dávila anímanos a descubrir les maraviyes que guarda la lliteratura de viaxes y aventures: cómo con un llibru puedes viaxar y vivir mil peripecies ensin movete de la siella.

Con una escalera, una banqueta y una maleta, en La isla invisible vamos viaxar a mundos desconocíos y exóticos. Un viaxe que va facer el protagonista de la nuesa hestoria p’atopar la solución a una enfermedá rara que carez la princesa del so reinu. Nel so periplu va cruciase con personaxes de lo más especial. Un viaxe per tierra, mar y aire tremáu d’aventures y descubrimientos.