¡Kanpai! ye una pieza teatral prestosa y divulgativa que celebra l’alcuentru ente la cultura asturiana y la xaponesa al traviés de les sos bébores tradicionales: la sidra y el sake, dambes reconocíes como Patrimoniu Cultural Inmaterial. La obra amuesa cómo, pesie a la distancia xeográfica, estes tradiciones comparten valores rellacionaos cola identidá, el ritual y la comunidá. La representación acaba con una clas maxistral d’escanciáu de sidra, averando al públicu de forma práctica y festiva a esta tradición asturiana y destacando les conexones culturales ente dambos pueblos.

¿En que se paecen? ¿En que s’estreman? ¿Cómo ye’l ritual de la bébora? ¿Cuántos tipos d’arroz tenemos pal SAKE? ¿Cuántos tipos de mazana pa la sidra?