Cenizo ye un neñu mui especial; nun sabe por qué pero esprésase al traviés de rimes imposibles y eso fai que los demás nun lu entiendan. Amás, acaba d’heredar la fábrica de carambelos del padre difuntu y nun se siente mui feliz: él quier ser maquillador, esi ye’l suañu de la so vida.

El padre casárese, en segundes nupcies, con una muyer que nun lu quier y les hermanastres, les "Kardadasian", siempre tán engañándolu... Vamos, qu’esto ye un culiebrón del sieglu XXI. ¡¡Ah!! Y too esto mecémoslo con cancioncines pegadices de los años 80 y 90...