Agora yá sabemos cómo la Razón acaba coles barricaes. Güei too son aveníes, bulevares, autopistes. La revuelta y la Comuna morrieron porque nun hai llugar pa les caleyuques. Sacantes, quiciabes, na mirada de la ruina, nel creitu que ciertes semeyes conceden al deterioru. Construyir un discursu non sobre lo firme, lo nidio, lo venceyante, sinón sobre lo movedizo, lo áspero, lo escluyente. Nun son namás los restos del esbarrumbe, sinón tamién los materiales primixenios de trabayu, los pegoyos sobre los que llevantar la construcción, por feble que pueda paecer.