Los centros educativos van poder formalizar les sos reserves del 17 al 30 de setiembre pa esta iniciativa, qu’avera al alumnáu les llingües propies d’Asturies.

La programación, que va empezar el 19 d’ochobre en Quirós, incluye propuestes d’artes escéniques, musicales, lliteratura, cultura tradicional, cine y ciencia dende Infantil hasta Bachilleratu.

Os centros educativos han a poder formalizar as súas reservas del 17 al 30 de setembre pra esta iniciativa, qu’achega al alumnao as llinguas propias d’Asturias.

A programación, que vai comenzar el 19 d’outubre en Quirós, incluye propostas d’artes escénicas, musicales, lliteratura, cultura tradicional, cine y ciencia dende Infantil hasta Bachillerato.

11/09/2026.- El director xeneral d’Acción Cultural y Normalización Llingüística, Antón García, y la directora xeneral d’Inclusión Educativa y Ordenación, María Dolores Bueno, presentaron esta mañana na Llaboral la edición nueva  de la Xira Didáctica, una iniciativa qu’axunta educación y cultura y avera al alumnáu a les llingües propies del Principáu, al asturianu y al eonaviegu, al traviés de propuestes diseñaes específicamente pa toles etapes educatives.

La edición d’esti cursu, que cunta tamién con financiamientu del Ministeriu de Cultura, incluye 92 funciones y actividaes gratuites en 36 conceyos y amplía’l so algame con rellación al cursu pasáu, tanto pola variedá de la programación como pola so estensión nel territoriu: la Xira pasa de 30 a 46 proyectos, de 26 a 37 compañíes, profesionales y entidaes y de 30 a 36 conceyos.

Artes escéniques, música, lliteratura, cultura tradicional, cine y ciencia formen parte d’un catálogu dirixíu a escolinos dende Infantil hasta Bachilleratu. L’alumnáu va poder disfrutar de propuestes creaes pola industria cultural asturiana y diseñaes pa que l’aprendimientu de les llingües propies se rellacione tamién cola esperiencia cultural, combinando conteníos adaptaos a cada edá cola calidá artística de los espectáculos y actividaes.

La Xira Didáctica va empezar el 19 d’ochobre en Quirós con El trasgu y el molineru, de La Compañía del Alba, y va rematar el 18 de xunu con dos propuestes: Al rodiu l’horru, d’É Vero Teatro, en Cabranes, y Verdina. El día qu’una faba cósmica aterrizó n’Asturies, d’El Arca de Mozart, en Les Regueres.

La participación en toles actividaes ye gratuita, lo que fai posible averar una programación cultural estable n’asturianu y eonaviegu a los escolinos y convertir teatros, cases de cultura y otros espacios en sitios d’alcuentru ente la llingua, la creación y l’aprendimientu.

Reserves y balance del últimu cursu

Los centros educativos van poder facer les sos reserves ente les 9:00 hores del 17 de setiembre y les 23:59 hores del día 30, al traviés de la plataforma de la Xira Didáctica. Les places son limitaes y va tener prioridá l’alumnáu matriculao en llingua asturiana o eonaviegu, anque si queda disponibilidá van poder participar tamién otros estudiantes interesaos.

La edición nueva parte, amás, de la bona respuesta obtenida a lo llargo del cursu 2025/2026, cuando más de 9.000 estudiantes de 145 centros educativos participaron en 90 funciones celebraes en 30 conceyos. Esti cursu, la Xira amplía’l númberu de propuestes, suma compañíes nueves y estiende la so presencia a seis conceyos más, afianzando una programación que lleva l’asturianu y l’eonaviegu más allá del aula y los vincula col teatru, la música, la lliteratura, la ciencia, el cine y la cultura tradicional.

Más información y programa de la Xira Didáctica pal cursu escolar 2026/2027 equí.

___________________________________________________________________

11/09/2026.- El director xeneral d’Acción Cultural y Normalización Llingüística, Antón García, y a directora xeneral d’Inclusión Educativa y Ordenación, María Dolores Bueno, presentaron esta mañá na Llaboral a edición nova da Xira Didáctica, úa iniciativa qu’une educación y cultura y achega al alumnao as llinguas propias del Principao, el asturiano y el eonaviego, al través de propostas diseñadas especificamente pras distintas etapas educativas.

A edición d’este curso, que cunta tamén con financiamento del Ministerio de Cultura, incluye 92 funcióis y actividades gratuítas en 36 conceyos y amplía el sou alcance respecto al curso anterior, tanto pola variedá da programación como pola súa estensión nel territorio: a Xira pasa de 30 a 46 proyectos, de 26 a 37 compañías, profesionales y entidades y de 30 a 36 conceyos.

Artes escénicas, música, lliteratura, cultura tradicional, cine y ciencia forman parte d’un catálogo dirixido a escolares dende Infantil hasta Bachillerato. El alumnao ha a poder gozar de propostas creadas pola industria cultural asturiana y diseñadas pra qu’el aprendizaxe das llinguas propias se vincule tamén cua esperiencia cultural, combinando contenidos axeitaos a cada edá cua calidá artística dos espectáculos y actividades.

A Xira Didáctica vai empezar el 19 d’outubre en Quirós con El trasgu y el molineru, de La Compañía del Alba, y ha a finalizar el 18 de xunio con dúas propostas: Al rodiu l’horru, de É Vero Teatro, en Cabranes, y Verdina. El día qu’una faba cósmica aterrizó n’Asturies, de El Arca de Mozart, en Les Regueres.

A participación en todas as actividades é gratuíta, el que deixa achegar úa programación cultural estable en asturiano y eonaviego a escolares y convertir teatros, casas de cultura y outros espacios en espacios d’encontro entre a llingua, a creación y el aprendizaxe.

Reservas y balance del último curso

Os centros educativos han a poder formalizar as súas reservas entre as 9.00 horas del 17 de setembre y as 23.59 horas del día 30, al través da plataforma da Xira Didáctica. As prazas son limitadas y ha a ter prioridá el alumnao matriculao en llingua asturiana ou eonaviego, anque se queda dispoñibilidá han a poder participar tamén outros estudiantes interesaos.

A nova edición parte, ademáis, da búa resposta obtida al llargo del curso 2025/2026, condo máis de 9.000 estudiantes de 145 centros educativos participaron en 90 funcióis celebradas en 30 conceyos. Este curso, a Xira amplía el númaro de propostas, suma novas compañías y estende a súa presencia a seis conceyos máis, consolidando úa programación que lleva el asturiano y el eonaviego máis alló del aula y vincúlalos col teatro, a música, a lliteratura, a ciencia, el cine y a cultura tradicional.

Más información y programa de la Xira Didáctica pra'l curso escolar 2026/2027 aquí.