La Bonturné recibió nel 2024 el Premiu Camaretá al meyor cantar col tema Odisea la nui.

El grupu ta formáu por Merce Santos (zanfoña), David Varela (acordión diatónicu, percusión y voz), Santi Caleya (saxofón sopranu y gaita asturiana) y David Casillas (contrabaxu). Partiendo de la conocencia fondera de la música tradicional y los sos instrumentos, a caballu d’un son prestosu y singular, La Bonturné presenta un repertoriu afayadizu pal baille, nuna llinia folk-tradicional. Publicaron recién el so primer álbum autoeditáu, A Contraforga, onde la música de raigañu amiéstase con composiciones y arreglos arriesgaos y contemporáneos.