Convocatoria pa la escoyeta de propuestes y programación posterior del proyectu "Xira didáctica", pa la promoción, difusión y normalización del asturianu y l’eonaviegu (gallego-asturianu) dientro del ámbitu educativu del Principáu d’Asturies

Convocatoria prá selección de propostas y programación posterior del proyecto "Xira didáctica", prá promoción, difusión y normalización del asturiano y el eonaviego (gallego-asturiano) dentro del ámbito educativo del Principao d’Asturias

10/04/2025.- La Conseyería de Cultura, Política Llingüística y Deporte del Principáu d’Asturies en collaboración cola Conseyería d’Educación y al traviés de la Sociedá Pública de Xestión y Promoción Turística y Cultural, tien interés na creación del circuitu temáticu “Xira Didáctica”, un proyectu d’actividaes que combina un conteníu educativu singular y orientáu a rangos d’edá específicos con calidá artística y cultural y adecuación al so públicu oxetivu. La “Xira Didáctica” va desenvolvese en dellos conceyos del Principáu d’Asturies pa facilitar que tola comunidá educativa tenga accesu a esta programación onde les llingües vehiculares van ser l’asturianu y l’eonaviegu.

L’oxetu d’esta convocatoria ye la escoyeta de dellos proyectos artísticos y culturales pa la ellaboración d’un catálogu dixital que valga como base pa la programación posterior de dellos espectáculos y actividaes que van conformar la programación del proyectu “Xira Didáctica” y que van desenvolvese, representase o exhibise en sales o espacios culturales o educativos variaos asitiaos en conceyos del Principáu d’Asturies ente’l 1 d’ochobre del 2025 y el 30 de xunu del 2026.
Con esta iniciativa quier complementase les programaciones habituales de los centros educativos asturianos, que van poder acceder a esta programación gratuitamente siempre que cumplan los criterios de participación y depués de formular la reserva correspondiente.

Con esta convocatoria afítense les bases y requisitos que van rexir el procedimientu pa la escoyeta de los espectáculos o actividaes que van integrar el catálogu dixital con respetu a los principios de publicidá, concurrencia llibre y oxetividá.

Les solicitúes, xunto cola documentación riquida tienen que presentase al traviés de la web https://panel.asturiesculturaenrede.es

Nun se van almitir propuestes que se remitan al traviés d’otres canales.

La hora y fecha tope de presentación de les solicitúes va ser les 12:00 hores del día 9 de mayu del 2025.
Desque remate’l plazu de solicitú, la plataforma va quedar inhabilitada pa realizar cualquier clas de cambéu na documentación presentao hasta que la convocatoria se resuelva.

Descargar la convocatoria equí.

Descargar los anexos equí.

10/04/2025.- A Conseyeiría de Cultura, Política Llingüística y Deporte del Principao d’Asturias en colaboración cua Conseyeiría d’Educación y al través da Sociedá Pública de Xestión y Promoción Turística y Cultural del Principao d’Asturias, ten interés na creación del circuíto temático “Xira Didáctica”, un proyecto d’actividades que combina un contido educativo singular y orientao a rangos d’edá específicos con calidá artística y cultural y adecuación al sou público obxetivo. A “Xira Didáctica” ha a desenvolverse en distintos conceyos del Principao d’Asturias pra facilitar que toda a comunidá educativa teña acceso a esa programación unde as llinguas vehiculares han a ser el asturiano y el eonaviego.

El obxeto d’esta convocatoria é a selección de dalgús proyectos artísticos y culturales prá elaboración d’un catálogo dixital que valia como base prá programación posterior de dalgús espectáculos y actividades qu’han a conformar a programación del proyecto “Xira Didáctica” y qu’han a ser desenvoltos, representaos ou eshibidos en diferentes salas ou espacios culturales ou educativos situaos en conceyos del Principao d’Asturias entre el 1 d’outubre del 2025 y el 30 de xunio del 2026.

Con esta iniciativa querse complementar as programacióis habituales dos centros educativos asturianos, qu’han a poder acceder a esta programación de baldre sempre que cumpran os criterios de participación y despóis de formular a reserva correspondente.
Con esta convocatoria establécense as bases y requisitos qu’han a rexir el procedemento prá selección dos espectáculos ou actividades qu’han a integrar el catálogo dixital con respeto a os principios de publicidá, concurrencia llibre y obxetividá.

As solicitudes, xunto a documentación requerida, han a ter que presentarse al través da web https://panel.asturiesculturaenrede.es

Nun s’han a admitir propostas que se remitan al través d’outras cales.

El hora y fecha tope de presentación das solicitudes han a ser as 12.00 horas del día 9 de mayo del 2025.
Desque acabe el prazo de solicitú, a plataforma ha a quedar inhabilitada pra realizar cualquera tipo de cambeo na documentación presentada hasta qu’a convocatoria se resolva.

Descargar a convocatoria aquí.

Descargar os anexos aquí.