Circuito de música

Skama la Rede ye, quiciabes, el grupu abanderau de la segunda xeneración del llamau "Rock Astur". La banda, nacida n’ochobre del 2003, recueye’l testigu y bebe directamente de bandes tovía n’activo como Dixebra y Los Berrones, qu’entamaron esti movimientu a mediaos de los años 80.

La formación, que supo influenciase y adaptase, tien conseguío un soníu propiu y reconocible qu’amiesta’l ska y el punk como principales ingredientes pero con dosis xustes y bien aprovechaes de rock, reagge y folk nes que destaca la utilización de instrumentos de vientu bien estremaos: la trompeta y el trombón xuntu cola gaita tradicional asturiana.