Circuito de narración oral

Los pueblos asturianos van quedando valeros de xente y los seres máxicos que viven en montes, cueves y ríos siéntense morrer porque nun queda naide que crea nellos (o que nun que nun crea, qu’l casu ye que nun queda naide de los unos o de los otros). Los más desesperaos son el Trasgu, que nun tien qué entrastiar, y la Guaxa, que nun tien neños a los que chupa-yos el sangre. Dambos los dos convencen a Xuan de la Borrina y la Neña Barbuda, al Nubero y a la Xana pa dir onde tán los humanos, a la ciudá. Ellí, el Trasgu cuida que les families tienen más cacía cola qu’enredar y la Guaxa sintiere que los neños tán más gordos y el so sangre ye más duce. Pa Xuan, la Neña y el Nuberu el casu ye que tán aburríos de nun facer nada.

El cambiu nun va ser fácil nin pa ellos nin pa los humanos, asina que deciden que van amazcaritase de familia citadina "normal": Xuan de la Borrina y la Xana van facer de papá y mamá, la Neña Barbuda y el Trasgu van ser la fía y el fíu, y el Nuberu y la Guaxa van ser los güelos. El misteriu va ser a quién-y va chocar más la esperiencia, a los seres humanos o a los seres máxicos.