Circuito de artes escénicas

Cellero y los sos collacios echen el tiempu en chigre recordando vieyes glories, esbabayando y tomando pintes. Pero dende´l 8 de marzu dalgo cambia nes sos vides: les muyeres, qu´anantes quedaben en casa, échense al monte. Guiaos por Andrea, la nieta Manolín, les muyeres y los pensionaos de la parroquia van armala, poniendo´n dificultaes a les autoridaes y al poder financieru.

Ambientáu nos alredores de la güelga feminista del 8 de marzu de 2018, La talla 38... o fuera los grilletes de les fañagüetes ye un intento d´espeyar, partiendo de la comedia popular y del monólogu asturianu, los esmolimientos y lluches de los movimientos sociales, en concreto, el feminista y el de pensionaos. Fáense también delles referencies a lo que representó´l movimientu del 15-M, tamién al timu de les preferentes que tanto afeutó a les persones mayores, y a les rellaciones familiares en xeneral.