Circuito de literatura

Güeli. Histories d’amor y remangu ye’l llibru qu’editó el proyectu de moda y cultura Puru Remangu pa homenaxear a les güeles asturianes. Aventures emocionantes d’heroínes anónimes, histories de superación, romances, dalgún qu’otru drama y munchu remangu. Nestes páxines vas topar les histories de 35 muyeres anónimes qu’hasta agora nun salíen nos llibros. Relatos escritos poles sos nietes y nietos. Muyeres que pasaron la vida dedicaes a los cuidaos, al serviciu a los demás, que criaron, educaron y llucharon por dexanos un futuru meyor y qu’angüaño son referentes y exemplos de superación. Muyeres que son les nuestres güeles agora, anque lleven al costazu bien d’años d’esperiencies y vivencies que probablemente nun vayan volver a repetise y nun hemos d’escaecer.