Partiendo del profundu conocimientu de la música tradicional y los sos instrumentos, a caballo d’un prestosu y singular son, esti trio de mayestros apúrremos un repertoriu d’afechu amañosu pal baille, nuna llínia folk-tradicional.

Vieyos conocíos na escena asturiana, como cabezaleros del grupu folk La Bandina, el so nome vien averáu a lo mas bayuroso de la música folk asturiana (La Bandina, Tejedor, Dixebra, Folkgando, Llaímo, A rabil, Lliberdón…), de bandes de gaites (La Viga Travesá) y d’otres músiques allonxaes de lo folk como’l hip hop (Dark La Eme) o’l pop (Pauline en la Playa). Ye destacable’l so trabayu desendolcáu en Bretaña nos caberos años, colaborando con Alain Pennec, Ciappolino/Conq, Gilles Servat, Kevren Alré, Roñsed Mor…