Dirección: Vera Chytilová

Añu: 1966

Duración: 76 minutos

Llingua: checo

Ficha completa de la película

Dos rapaces moces concluyen, de la que tomen el sol en bikini, que si nesti mundu too ta corrompío, taremos corrompíes nosotres tamién. Asina s’activa’l mecanismu que pon en marcha la película: una tres d’otra, van dir produciéndose escenes inconexes nes que les dos protagonistes xueguen a ser males colo que les arrodia. Engañen a homes maduros pa comer de baldre, escriben y dibuxen nes parés de so casa, improvisen un baille nun cabaret pa boicotiar el númberu que ta n’escena, atraguilen y espedacen los manxares d’una llacuada preparada pa otros. Una película que ruempe toa llinialidá narrativa usando la técnica del collage, tanto a nivel visual como auditivu.