Ferla Megía va xubir al escenariu pa presentar el so últimu trabayu publicáu nel mes de payares, Páxaros 01. Esti EP, que reflexa la evolución del artista hacia un estilu qu´entemez xéneros como´l folk, el dembow, el trip hop y la electrónica, supón una fusión ente la tradición asturiana y les tendencies más actuales.

Inspirándose nel cantar tradicional y con influencies d´artistes como Adrianne Lenker, Páxaros 01 ye un proyectu fondamente emocional que conecta raíces y modernidá.