¿Cómo podíemos resumir un espectáculu como Misery Class? Y lo que resulta más difícil… ¿Cómo podíemos facelo en menos de 350 palabres considerando, d’una parte, la cantidá amplia d’asuntos y materies de l’actualidá a los que se pasa revista nesti show y, d’otra, l’enclín psicóticu a divagar de Goyo Jiménez? Bono… De mano, podíemos nun usar el plural, podíemos, teniendo en cuenta qu’esta sinopsis ta redactándola una persona namás. Esto ye, yo. Esto ye, Goyo Jiménez. Sí, la mesma persona de la qu’acabes de dicir que tien enclín psicóticu a divagar y que, polo tanto, ta lleendo lo qu’escribes, majete. Pero mira, pue que dieres en clavu y seya eso lo que de verdá habría que resaltar al resumir Misery Class.

Podíemos señalar qu’esti espectáculu nuevu de Goyo Jiménez naz de la so visión del mundu como PERSONA y non como PERSONAXE. Porque sí, amigues y amigos: clisaos pol inmensu artista y creador que toos disfrutamos a lo grande, cegaos pol xeniu desbordante de la escena que celebremos con vítores gociosos, escaecimos bien de veces que nel interior de Goyo Jiménez, esto ye, nel mio interior, habita una PERSONA, esto ye, yo. Una persona cenciella, amás. Que contempla’l panorama de los nuestros tiempos col mesmu plasmu y desconciertu que les más de les OTRES PERSONES, pero qu’ufierta soluciones que van ayudanos a mirar al futuru con optimismu. Una persona empática, que se pon na piel de los otros con humildá, respetando y considerando a toos por igual, inclusive a los que son menos. Que vendríen a ser la mayor parte. Ún de los nuestros, vamos. Daquién como cualquiera, como tu o como yo. Bono, como yo non. Que yo soi distintu. Esto ye, Goyo Jiménez, quiero dicir. Y ye que siempre hubo clases, criatura. OTRES