Cántote, que si te conto nun me vas creer ye un conciertu que fae un percorríu al traviés de cantares tradicionales asturianos con mensaxes que podíen dexanos cola boca abierta si nun fuera porque tán bien afataos de melodíes y asina eviten el filtru de la realidá, de la cordura o de lo políticamente correcto.

L’espectáculu preséntase nun formatu de cuatro músicos multiinstrumentistes que varíen pa llegar dende sonoridaes más cercanes a la música tradicional, popular y folk, hasta la música clásica o moderna.