Con una industria del entretenimientu dixital ca día más potente y na que más persones faen parte del desendolcu d’un videoxuegu, paez malo d’imaxinar qu’una persona sola y ensin conocimientos de programación seya quien a facer ún. Por embargu, esisten programes y ferramientes que lo permiten, y namás que ye preciso un poco d’imaxinación. Narrando con opciones d’un menú en cuenta de lletres sobre’l papel, cualesquiera pue crear una hestoria interactiva.