Historia de una uva propón un viaxe sensorial y lliterariu al traviés del mundu del vinu.

A lo llargo de cuasi dos hores vamos facer un percorríu dende la tierra hasta la copa, onde saboriamos el resultáu final d’esi viaxe.

Siguiendo’l filu narrativu de los testos lliterarios que cantaron al vinu, los/les participantes van prebar cuatro clases d’esta bebida al traviés de propuestes singulares rellacionaes col sentíu del oyíu, cola memoria o col calter simbólicu d’ello.

Trátase de xugar coles nuestres percepciones, coles nuestres alcordances y compartir un alcuentru estimulante y creativu que nun precisa conocimientu previu nengún, namás l’apertura de los nuestros sentíos.