Circuitu de cultura tradicional asturiana

El Podcast de Abuelísimos y Abuelísimas ye un programa modernu de radio inspiráu nel llibru, Abuelísimos, escritu pola periodista moscona Lorena Valdés nel trescursu de la pandemia y espublizáu n’agostu del 2021. Trátase d’un homenaxe a los nuestros mayores, una xeneración de nombre superlativu, testigos y guardianes de les tradiciones, la cultura y el patrimoniu d’Asturies.

Con esti espectáculu de radio en directo quier dase continuidá al llibru y esparder l’homenaxe a los nuestros mayores a más requexos d’Asturies. Conducíu por Lorena Valdés, esti podcast tien entrevistes íntimes y averaes a güeles y güelos, qu’acueyen testimonios que son memoria viva del territoriu.