Espectáculu lliterariu con llectura dramatizada, proyeición audiovisual y música que trata d’averar a los asistentes al universu sidreru dende una perspeutiva poética y actual.

La propuesta consiste nuna llectura dramatizada d’una escoyeta de textos estrayíos del llibru Toma un culín. Perspeutiva poética de la sidre, interpretaos por dos voces narradores y acompangaes por una serie d’imáxenes venceyaes a la cultura asturiana de la sidra, obra del fotógrafu Luis José Vigil Escalera, como fondu visual del espectáculu. La puesta en escena completaráse con acompañamientu musical, creando una atmósfera escénica que refuercia’l calter evocador y emocional de les llectures.