14.4 quier esplorar, dende un llinguaxe escarniadamente realista y a un tiempu indisimuladamente llíricu y poéticu, el viaxe que separa dos mundos que viven namás a 14,4 quilómetros de distancia.
Vamos siguir la historia d’Ahmed, un neñu qu’escapa del maltratu familiar p’habitar les cais de Tánger. Ellí, nes cais de la ciudá portuaria, van llegar aventures, suaños y desventures y una obsesión que lo percuerre too... cruciar a España. Una España que se ve como’l paraísu na tierra, el final del camín, la Ítaca cola que suaña tou viaxeru.
Ahmed ye quién a cruciar con 9 años a la península escondíu nos baxos d’un camión. Y equí, na tierra prometida, va llegar otra odisea que s’aparta de lo suañao, pero que nun ta quita de sentíu del humor, aventures, redes de solidaridá y finales inesperaos