Circuitu de cultura tradicional asturiana

Una muyer de pueblu prepara l’amagüestu con ilusión cuando la interrumpen les berríes d’una moza de ciudá. La muyer plasma cuando descubre qu’aquella moza nun sabe nada sobre la cultura rural y de los nuestros antepasaos, lo que va dar pie a la risión. 

Entama la seronda fala del traxe tradicional, de mitoloxía, de tradiciones y de cultura asturiana. Na so conversación descubrimos que nin la muyer ye tan tradicional nin la moza tan moderna. La muyer intenta caltener les tradiciones y la sabencia popular pero eso nun-y quita de vivir nos tiempos actuales, valise de la tecnoloxía y tener una mente abierta.