Circuitu de narración oral

Los traballingües, como los cantares, siempre contenten el corazón.

Mari Chucena su choza techaba y un techador que por allí pasaba, le dijo: -Mari Chucena techas tu choza o techas la ajena? -Ni techo mi choza, ni techo la ajena; que techo la choza de Mari Chucena.

Asina ye Mari Chucena de prestosa y esparatada. Lo que más-y presta son les palabres. Inventa palabres, xuega con elles, cántales..., y por eso lleva siempre con ella un bon puñáu. Palabres qu’afalaguen, palabres que presten, palabres qu’esmolecen y faen rebelguinos…, palabres, palabres, palabres. Siempre s’acaba enredando con dalguna d’elles, y ye entós cuando se-y traba la llingua, y el so amigu secretu vien pa echa-y un gabitu. 

La so amiga Elfrida ye tamién una namorada de los cuentos, pero lo que-y presta sobre manera ye la música. Ella canta, ella toca, ella diz, ella xuega colos soníos. ¿Quies conoceles?