Circuitu d´artes escéniques

Tango Flamenco ye’l rellatu d’una obsesión devoradora, una historia d’amor y celos onde’l deséu aniquilante lleva ensin remediu a los personaxes a la destrucción. La obra enxendra una denuncia llatente de l’aniquilación d’un ser al traviés de la violencia física, amás del refugu de los homes que, entá por desgracia, exercen la violencia de xéneru contra la muyer a la qu’un día quixeron. Nun paga la pena racionalizar los fechos que conformen la historia, la fuercia de los mesmos ye abondo pa dir creando esa espiral que va zarrándose hasta’l drama final.