La lletra con sidra entra, ¿nun yera asina?

Enantes de que tengas sede (miraes, vezos y ayalgues sobre la sidra na poesía asturiana) ye una sesión que va servir pa conocer la mirada poética sobre dalgo tan identitario como ye la sidra, al tiempu que tamién va permitir facer una preba de dellos palos de distintos llagares. Cantares y poemes a lo llargo de los sieglos nos que los vezos, costumes, procesos de la sidra y el so trabayu tán representaos. Esi percorríu va dir venceyáu a la preba dalgunos palos de sidra de la mano del periodista gastronómicu Miguel Llano, proponiendo asina una actividá cuasi de taller, p’atopar les maneres de describir el gustu de la sidra y tamién aquelles coses que ye capaz, d’un mou mui proustianu, d’evocanos.