Una actividá que combina llectura, conversación y creación artística, fomentando una rellación activa ente lliteratura y imaxinación.

L’álbum ilustráu Miedo, con testos de Milio’l del Nido y ilustraciones d’Alberto Sastre, convídanos a reflexonar sobre una emoción universal: el mieu. A partir de la llectura compartida de fragmentos del llibru, vamos falar sobre cómo se representa’l mieu nes ilustraciones: qué colores apoderen, qué personaxes apaecen y qué recursos utilicen los artistes pa tresmitir sensaciones esmolecedores o misterioses.

Dempués de la llectura, cada participante va realizar la so propia calavera de barru, inspirándose nos símbolos culturales asociaos a esta figura en diferentes tradiciones. El modeláu va facer posible tresformar una emoción astracta nun oxetu artísticu concretu, esplorando cómo l’arte puede ayudanos a espresar y entender lo que sentimos.