La música y el baille son l’espinazu de la cultura de cualquier pueblu del mundu. Con esti taller preténdese crear un espaciu d’averamientu pa persones qu’ensin tener conocencia del mundu del baille y la música tradicional asturiana tengan interés en saber más d’ello. L’averamientu natural a esta parte de la cultura tradicional asturiana como ye la música y el baille tien el so camín principal na participación en grupos de baille y folclore, cuestión que non siempres facilita que persones interesaes nello puedan dar esi pasu. Con esti taller prétendese crear un puntu entemediu pa que persones con interés pero ensin conocencia puedan averase d’una forma fácil y prestosa a esta parte tan esencial de la cultura asturiana.