Pan de Luna ye una esperiencia poética y sensorial onde dialoguen dos elementos esenciales: el pan, símbolu de la tierra, alimentu básicu; y la Lluna, símbolu del cielu, lo cíclico y lo misterioso.

L’actividad propón un percorríu qu’amasa pallabra, xestu, arume, testura y memoria. Al traviés del pan —la so hestoria, los sos significaos culturales, la so presencia en ritos y mitoloxíes— y de la Lluna —astronomía, calendarios agrícoles, lleendes, poemes—, el públicu ye invitáu a participar nun verdaderu alcuentru. Y ye que Pan de Luna ye, ante too, un espaciu de contemplación activa.