Amanez en monte. Ye un día perespecial pa los animales. Ye’l día del Carnaval. El cuquiellu antróxase d’araña, el cisne de coneyu perpresumíu, a la tortuga sálen-y nales del cascu, el burru tresfórmase n’unicorniu y el dinosauriu vístese de tucán, ¡vaya peazu picu! Axúntense pa festexar y baillar hasta que Lleón llega a la fiesta. Un ruxíu y dos y trés, y fai que salgan apavoriaos. Toos-y tienen mieu, pero lo que nun saben ye que’l mayor deséu de Lleón ye xugar con amigos. Lleón camina solitariu pel monte y atopa dellos animales n’apuros a los que nun dulda n’ufiertar la so ayuda. Vamos descubrir que, pesie a esos ruxíos tan escomanaos, Lleón escuende nel pechu un corazón bonu.

Espectáculu inspiráu na pieza musical de Camille Saint-Saëns titulada El carnaval de los animales.