Navegamos ente clásicos de la música tradicional cubana, el jazz y los boleros, ondeando pela salsa y el son, somorguiámonos nel mambo, con transiciones de neoclásicos y composiciones propies; pedales, loops, soníos percutivos de la mesma caxa y del instrumentu pa estelanos nun viaxe de ritmos fluyíos y reconocíos vaivenes. Dende les habaneres al tumbao, embarcamos nuna gran fiesta onde tampoco nun va faltar el chachachá. Clásicos que conviértense en populares y populares que se faen clásicos, multiversos acuáticos que confúndennos ente les fantasíes ensuañadores de la música del pianu y l’universu del son cubanu, too ello sobre l’agua y flotando.