L’actividá básase na divulgación y conocencia del acebache, una piedra con múltiples finalidaes y con diferentes significaos según la dómina y l’usu que se daba a la mesma. Les acciones que se van desenvolver fundamentalmente a partir de la narración oral tán protagonizaes por dos muyeres rurales asturianes. Elles, conocedores de los diferentes significaos del acebache, van informar de manera llúdica y divertida al traviés de narraciones, cantares y vivencies sobre la historia y los significaos del acebache pa la tradición y cultura asturiana a lo llargo de sieglos d’historia.