El pataricu o patarico ye ún de los personaxes mitolóxicos asturianos menos conocíos. Son seres xigantescos con un únicu güeyu asemeyaos a los cíclopes. Viven nos cantiles a la vera la mar, y aliméntense de pescáu, mariscu y moluscos, anque se cree que lo que más-yos presta son los naúfragos crudos, que desque detectaos nun tienen posibilidá d’escapar, pola mor del gran olfatu que tienen. Dalgunos aseguren que, igual que los sos parientes los xigantes gallegos, los pataricos guarden tesoros grandes de dómines pasaes. Estos seres paecen tener anguaño’l so hábitat na costa más occidental d’Asturies, pero pudiere ser que tamién s’espardieren antiguamente per otros conceyos costeros.