Aleluyas para mi perrito Perico ye una oda perguapa escrita por Juan José Lage y ilustrada por María Ortíz a los nuestros amigos de cuatro pates. Recuérdanos la importancia de curiar y protexer a les mascotes. Al traviés de los sos versos, vamos esplorar el vínculu fondu que se forma ente humanos y animales, deprendiendo sobre la sensibilidá y les emociones que comparten con nosotros.

Depués de la so llectura en común, vamos metenos en farina pa crear los nuestros propios títeres d’animales con tiestes pop-up. Usando material variao, vamos dar vida a personaxes que van salir lliteralmente de les páxines, reflexando l’espíritu y l’allegría de los nuestros compañeros animales tan queríos. ¡Va ser una esperiencia artística y educativa que va facenos valorar tovía más la compañía de les nuestres mascotes!