Una mirada a los oríxenes, al placer del xuegu, a la palabra, a la teatralidá, a les metáfores y a les elipsis. 

El teatru d’oxetos ye l’arte del re-descubrimientu. Cuando Marcel Duchamp punxo un urinariu nun muséu, ensin cambiar la so naturaleza, pero sacándo-y el so llau funcional, tresformólu en raru y exóticu. Foi entós una forma de redescubrir l’oxetu, como elementu disparador del imaxinariu na construcción d’histories narraes o escrites.

Na actividá Caminando con objetos altérnense esplicaciones sobre l’usu de los oxetos y escenes representatives de la narración oral llevaes a cabu con oxetos, mostrando a los participantes el funcionamientu de les figures estilístiques nel arte y na creación lliteraria.