Un proyectu de: Jezabel Rodríguez, comisariáu por Galería Caicoya.

Una Quintana ye un trabayu introspectivu sobre’l pasáu, mesmo qu’un reflexu de la cultura y la etnografía asturiana.

La obra de Jezabel Rodríguez simboliza la importancia de les vivencies al traviés de los oxetos que formen parte de la historia de La Quintana, esa casina na que se crió so pá y a la fin foi’l so propiu llar. Al traviés de los sos bodegones, l’artista busca conectar coles persones qu’habitaron esi espaciu y caltener la so alcordanza y heriedu. Los oxetos que Jezabel Rodríguez representa na so obra tán rellacionaos cola cocina y la mesa, el llar en xeneral, siendo ésti, amás de la so inspiración, la redolada onde ella trabaya. Estos oxetos formen pa ella una parte fundamental de la so alcordanza y tán estrechamente rellacionaos cola so identidá asturiana.