Circuitu de narración oral

Florina ye una muyer que vive nuna quintana asturiana onde hai un horru familiar vieyu. Una mañana de la que va a guardar mazanes y castañes siente dellos ruíos raros. Paez ser que, como-y cuntaben los sos güelos, vive nesi horru una trasguina picardiosa y prestosa llamada Roxina. Esta va informar de manera llúdica y entretenida, al traviés d’histories, de cantares y de vivencies, la historia del horru del pueblu dende la so construcción hasta anguaño.