Un proyectu de Ros Boisier.

Boisier entra nel monte de Muniel.los pa esperimentar coles formes de representación del paisaxe natural, les característiques técniques de la fotografía, l’alteración del tiempu fílmicu y les posibilidaes alegóriques del rexistru y la percepción visual.

Muniellos propón un diálogu ente paisaxes en distintos soportes y formatos nel que la resta, la multiplicación y la repetición espanden el tiempu y la percepción de los rexistros visuales y sonoros. Estratexes que proponen desafiar la mirada tradicional dirixida al paisaxe y pensar sobre les rellaciones ente arte, cultura, sociedá, tecnoloxía y mediuambiente.