La emoción del espacio garra como protagonista, una vez más, a la escultura, una de les belles artes que meyor ye quien a dialogar col espaciu creáu por Oscar Niemeyer. El llistáu d’autores presentes na esposición ye tan diversu como’l propiu sieglu XX, y inclúi artistes de la talla de Pablo Picasso, Julio González, Henry Moore, Joan Miró, Antonio López, Max Ernest, Eduardo Chillida o Martín Chirino.
Les obres presentes na muestra tomen un períodu temporal de 118 años, dende “Cabeza d’esclavu”, obra de 1898 de Auguste Rodin, hasta “Small Sound Exercises”, obra de 2016 de Bernardí Roig. Al traviés d’esti estensu percorríu temporal el visitante va poder apreciar cómo evolucionó esti arte dende’l figurativismu hasta la abstracción pura.