Amanda ye una neña que vive cola madre embaxo un horru; so padre morrió y tán pasando muncha necesidá, asina que la única solución que tienen pa poder tirar ye vender la última pita que-yos queda.

Con esti aquel, Amanda marcha cola pita pal pueblu, pero pel camín atopa un vieyu misteriosu que-y ufre cambiar la pita por unes castañes máxiques. A Amanda paez-y una idea estupenda y, gayolera, vuelve pa casa.

A so ma nun-y asentó nada bien el cambiu, enfadóse cola fía y tiró les castañes pela ventana fuera casa. Al otru día, les castañes medraren hasta´l cielu, naciera una castañal xigante; al final, les castañes yeren máxiques de verdá. Amanda esguiló pel arbolón y llegó a una casona onde vivía la guaxa, una vieya gorrumba que come neños. Amanda encaróse con ella y ganó´l tesoru.

Dio la vuelta pa casa, cortó l´árbol que saliera de les castañes máxiques, y enxamás volvió a pasar penuries…