Lucía Alonso Pardo y Jacobo Cano formen el dúu Música de Sofá, presencia habitual nos eventos y la televisión asturiana. Col enfotu de recuperar cantares que formaben parte de les nueses sobremeses y celebraciones y meciendo estilos, époques, idiomes y ritmos, crearon esti proyectu musical qu’atesora una trayectoria bien dilatada. El repertoriu quier ser variáu y curiáu, poniendo l’atención n’artistes y temes que nun avecen a interpretase a menudo, pero con un filu común: la so calidá. Nesta ocasión suménse al so sofá particular los ritmos del percusionista Pevida.

Un viaxe musical que va percorrer países y mecer estilos, faciendo al espectador alcordase de melodíes que creyía escaecíes, col ambiente distendíu de les sobremeses en familia.