Circuitu de música

La intención del show ye tresportar mentalmente al públicu a una película Prom norteamericana de los años 50, eses fiestes de la mocedá enllenes d’imáxenes arquetípiques: el baille de fin de cursu, la elección del rei y la reina, el primer besu..., conceptos non vivíos n’España de manera particular pero entendibles perfectamente yá que nos llegaron de munches maneres, siendo la principal el cine.

Pa eso, la banda propón un repertoriu enllenu d’éxitos d’ente mediaos de los 50 y mediaos de los 60 del sieglu pasáu. Y con ellos, va poder disfrutase de la música como si d’un repasu históricu pelos munchos hits que xeneró’l R’n’R se tratare.