The Picturebooks ye una banda alemana nacida en forma de tríu na ciudá de Gütersloh nel añu 2009. Anguaño lidérenla´l cantante y guitarrista Fynn Claus Grabke y el batería Philipp Mirtschink. Los sos cantares entemecen melodíes de rock´n´roll y blues, con toques de garage o indie. Na so trayectoria, dieron vida a seis álbumes d´estudio: List Of People To Kill (2009), Artificial Tears (2010), Imaginary Horse (2014), Home Is A Heartache (2017), The Hands Of Time (2019) y The Major Minor Collective (2021). Habituales de los grandes festivales, nel 2022 encandilaron nel Resurrection Fest de Viveiro, y agora vuelven a los escenarios de sales pequeñes de conciertos, sitiu onde nacieron y onde se sienten más cómodos.