Un añu ensin tocar ye bien de tiempu, pero yera necesario y lo cierto ye que pagó la pena. La banda y yo tamos preparaos pa presentavos el trabayu tan duru que nos tuvo ocupaos nestos meses de silenciu escénicu, nuna xira que, espero, dure munchu tiempu. Presentamos unos cantares que falen del pasu del tiempu, d´afayos y de perdes, de fraxilidá, de la solombra de la muerte… Y paradóxicamente ye un discu, al mio entender, bien lluminosu.
Nes lletres vais atopar la palabra muerte unes 3 veces, la palabra «muertos» otres tantes, la espresión voi morrer 5 o 6… esto ye: ye un discu sobre la vida. Y sobre buscar la manera de vivila de la única manera que yo entiendo qu´hai que vivila: arriesgándola. Nel amor, nel sexu, na amistá, nel arte, nel camín… y por supuestu: n´escenariu. Arriesgándola, nun queda otra.

¿Qué espectáculu vais ver con una premisa asina? Pos agora tócavos a vosotros; vais tener que facer lo mesmo: arriesgando.
Arriesgáivos y preparáivos pa cualquier cosa, porque vamos intentar que seya daqué que nunca vierais, daqué que nos faiga a toos sentinos vivos dafechu…, anque teamos muertos.
Vémonos dientro poco. Esperámosvos…